玄學家周漢明父女檔 | 台灣美食網

2012年3月4日—周師傅心足的，不只因為辛勞得來的名與利，而是二十四歲的女兒周亦彤...周漢明，縱橫風水界三十年，現時不僅是電訊盈科、花旗銀行、荷蘭銀行 ...

周漢明，縱橫風水界三十年，現時不僅是電訊盈科、花旗銀行、荷蘭銀行等大企業的御用風水師，更曾於○五年應法國伯爵夫人瑪利安娜之邀，往巴黎勘察風水，同時為八位身份顯赫者推算命理。

周師傅心足的，不只因為辛勞得來的名與利，而是二十四歲的女兒周亦彤，數月前正式拜師其下，伴隨在他的身旁，「我心中有數，個女喺某個年齡就會跟我學術數，所以，以前我從來唔會逼個仔或者個女學。始終風水屬於中國人嘅寶藏，唔應該失傳，有個女去承繼我呢樣嘢，我覺得非常好！」父女拍檔搵食，肯定天下無敵。

育有一對龍鳳胎的周師傅，長子名周浚浩，幼女名周亦彤，兩個子女的名字皆由他而起。三十年來，他除了四出勘察風水外，也為家中至親計算命運，推測將會發生的好事、壞事。

這不算是洩露天機嗎？周師傅強調不是，只是化險為夷，將大事盡量化小，他說：「化，即係減輕，或者延長，而唔係將要發生嘅事化到冇；好似一對仔女細個嗰時，我主要計佢哋有冇病痛，跟住再睇吓學業，睇佢哋喺邊方面發展會好啲；譬如算到亦彤喺藝術方面會有成就，佢細個嗰陣鍾意畫畫咪畀佢畫囉，知佢音樂唔得嘅，就唔好學咁長時間喇，咁咪可以慳番好多無謂嘅時間！依家好多家長成日希望仔女成龍成鳳，乜嘢都畀佢哋學，結果周身刀，冇一把利，嘥時間嘥金錢，又嘥精神。」

亦彤畢業於加拿大的藝術學校，回港後，擔任畫畫老師，轉眼已兩年；浚浩則在醫院工作，並進修放射治療課程。周師傅形容，一子一女性格迥異，從初生時一黑一白的膚色已反映出來。「太太懷孕嗰陣都計到係孖胎喇，知道裏面係一黑一白，但唔知係龍鳳胎，...