魚蛋 | 台灣美食網

佢係用魚肉同埋澱粉，撈埋調味料整成。佢多數都係圓碌碌形狀，但係亦都有第二啲樣，好似正立方體咁。香港嘅食肆通常寫佢做魚旦，普通話就通常叫佢做魚丸。魚蛋喺斯堪 ...

魚蛋（粵語：jyu4 daan2）係廣泛分佈喺中國南部、香港、澳門，同東南亞嘅小食，喺香港特別常見。佢係用魚肉同埋澱粉，撈埋調味料整成。佢多數都係圓碌碌形狀，但係亦都有第二啲樣，好似正立方體咁。香港嘅食肆通常寫佢做魚旦，普通話就通常叫佢做魚丸。

魚蛋喺斯堪的納維亞都可以揾到。

東方嘅魚蛋製法係將先將魚切絲或壓平。然後再將魚肉一面加鹽一面撈均，直至質地軟滑為止。呢個技巧類似蟹柳嘅製作過程，都係靠咁嚟將魚肉入面本來紏纏一齊嘅蛋白質拉開，令肉質變得有彈性。

斯堪的納維亞嘅魚蛋係用完全壓成肉泥嘅魚，牛奶同薯仔粉混合，再揉成球形整出嚟嘅。用呢個方法整嘅魚蛋質地比較柔軟。

福州嘅魚蛋係魚肉同免治豬肉混合整成。

香港嘅魚蛋始於1950年代嘅流動小販。呢種魚蛋用油炸過，外層金黃色，用好平嘅鯊魚肉製作，爽口彈牙。通常用竹籤串起幾粒賣、亦有啲係用紙杯裝住。小食檔每串 / 每杯有幾粒就唔定，價錢視乎食檔喺邊度（大約 4 至 10 蚊一串 / 杯）。有啲小食檔專賣魚蛋，就好似西方嘅熱狗攤。食嗰時通常會落辣椒醬、咖喱醬、甜醬。一般嘅魚蛋檔有辣味同原味兩款魚蛋畀人揀，辣味魚蛋通常浸喺咖喱汁（叫咖喱魚蛋）或者沙爹汁，而原味嘅魚蛋就會浸喺清湯整熱。

2002年嗰陣有人統計過，香港人每日食 55 噸（即係大約 375 萬粒）魚蛋，即係每年大約 13 億粒，又即係每人每年平均食 196 粒魚蛋[1]。

台灣嘅魚蛋主要...